स्वर सागर महोत्सव' - प्रत्येकाचा आयुष्यात संगीताला स्थान आहे - खा आप्पासाहेब बारणे

पूणे दि १३ (प्रतिनिधी) आपल्या प्रत्येकाच्या आयुष्यात संगीताचं एक विशेष स्थान आहे. प्रत्येक प्रसंगात संगीत आपली सोबत करतं. ही गोष्ट लक्षात घेऊन पिंपरी- चिंचवड मध्ये 'स्वर सागर महोत्सव' सुरू करण्यात आला होता. यंदा या संगीत महोत्सवाचं २५ वे रौप्यमहोत्सवी वर्ष साजरे करण्यात आले. 

         आज २५व्या स्वर सागर महोत्सवाचे उद्घाटन खासदार श्रीरंग आप्पासाहेब बारणे यांच्या हस्ते झाले. सुप्रसिद्ध कथ्थक नर्तक आणि नंदकिशोर क्लासिकल अकॅडमीचे पंडित नंदकिशोर कपोते यांना या वर्षीचा स्वर सागर पुरस्कार देण्यात आला. तसेच सुप्रसिद्ध गायिका सावनी रविंद्र घांगुर्डे हिचा विशेष सत्कार केला.

         या प्रसंगी आमदार उमाताई खापरे, महापालिका आयुक्त शेखर सिंह, संयोजक प्रवीण तुपे, अनिल गालिंदे, विजय काटे आणि इतर मान्यवर तसेच रसिक श्रोते मोठ्या प्रमाणात उपस्थित होते.