• आजची गझल • (भाग ६२ )
🌹बरेच काही🌹
विरोधकांनी घाव घातले बरेच काही
लढता लढता डाव मोडले बरेच काही
अस्तित्वाची इथे लढाई लढले जेंव्हा
रक्तामध्ये इथे माखले बरेच काही
अन्यायाशी झुंज द्यावया सैनिक येथे
वार झेलण्या उभे ठाकले बरेच काही
देशासाठी लढले येथे वीर मराठे
देवू आम्ही तुम्हा दाखले बरेच काही
भांडण तंटे मिटले नाही माणसातले
आग लावण्या इथे चालले बरेच काही
इतिहासाचे किती पुरावे द्यावे यांना
आग लावुनी ग्रंथ जाळले बरेच काही
शाबूत इथे आजही पहा शिल्पकला ही
लेणी मधले शिल्प तोडले बरेच काही
विजय भगत
चंद्रपूर
मो. 9822928841
=•=•=•=•=•=•=•=•=•=•=•=•=•=•=•=
संयोजक
भरत माळी
मो. 9420168806
=•=•=•=•=•=•=•=•=•=•=•=•=•=•=•=
