शहादा दि २९ (प्रतिनिधी) डोंगरगाव, ता. शहादा येथील मुक्ताई माध्यमिक व उच्च माध्यमिक विद्यालयाचा दहावी परीक्षेचा 100टक्के निकाल लागला असून विद्यार्थ्यांनी घवघवीत यश प्राप्त केले आहे. यशस्वी विद्यार्थ्यांचे कौतुक करण्यात आले आहे.
महाराष्ट्र राज्य माध्यमिक व उच्च माध्यमिक परीक्षा मंडळाने घेतलेल्या दहावी परीक्षेतील माध्यमिक विद्यालयातील 21 विद्यार्थी विशेष प्रविण्यासह तर 7 विद्यार्थी प्रथम श्रेणीत उत्तीर्ण झाले आहेत. विद्यालयातील प्रेरणा सचिन मोरे 93 टक्के गुण मिळवीत प्रथम, जान्हवी सतिष पाटील (90 टक्के) द्वितीय तर सृष्टी दिपकसिंग गिरासे आणि रुपेश लक्ष्मण पाटील अनुक्रमे 87.40 टक्के गुण मिळवून तृतीय क्रमांकाने उत्तीर्ण झाले आहेत.
सर्व यशस्वी विद्यार्थ्यांचे संस्थेचे अध्यक्ष डॉ. वसंत अशोक पाटील, सचिव सौ. मुक्ता पाटील, शैक्षणिक समन्वयक प्रा. डी. सी. पाटील, माध्यमिक विद्यालयाच्या प्राचार्य शर्मिला पाटील, प्राथमिकच्या मुख्याध्यापिका हर्षदा पाटील व शिक्षक वृंदानी अभिनंदन केले आहे.
