सातपुडा मिरर न्युज नेटवर्क
तळोदा दि २८आम्ही आर्ट्स अँड कॉमर्स कॉलेज ट्रस्ट तळोदा चे मुखिया आम्ही एक धुळ्याहून लाखो रुपयांचे महागडे पार्सल आणले. महाविद्यालयीन विद्यार्थ्यांचे हित जोपासणे हाच आमचा शुद्ध आणि एकमेव हेतू होता आणि तो ह्या पार्सल मुळे तंतोतंत पाळला जात आहे कारण हे पार्सल धुळ्याहून आठवड्यातून कधीतरी दुपारी अकरा वाजता येते आणि दोन वाजता निघून जाते व आठवडाभराच्या हजेरी बुकावर एकाच वेळेस सह्या करते. हे पार्सल लाखो रुपये मोजून आलेले असल्यामुळे महाविद्यालय जणू काही त्याने खरेदीच केलेले आहे व विश्वस्त मंडळ देखील खरेदी केलेले आहे अशा अविर्भावात वागते व त्यास आम्ही लाखो रुपये घेतलेले असल्यामुळे त्याचे मिंध्ये असल्यामुळे त्याच्या मनमानी वागण्यास दुजोरा देतो. हे पार्सल स्वतःच्या ड्युटी लिव्ह वर स्वतः सह्या करते आणि ड्युटी लिव्ह वर काय काम केले याचा कोणालाही आता पता राहत नाही. हे पार्सल पाहिजे तेव्हा सचिव म्हणून सह्या करते पाहिजे तेव्हा माझा त्या पदाशी काहीही संबंध नाही अशी बतावणी करते हे पार्सल विश्वस्त मंडळास फौजदारी गुन्हे दाखल करून अटक करण्याबाबत धमक्या देते, हे पार्सल विश्वस्त मंडळास ट्रस्टच्या कार्यालयात सभा घेण्यापासून मज्जाव करते, सभागृहांना व प्राचार्य केबिनला पाहिजे तेव्हा स्वतःच्या सहीने सील करते. ह्या पार्सलमुळे महाविद्यालयास पाच कोटीचे मिळणारे अनुदान मिळालेले नाही, या पार्सलच्या अनियमित कॉलेजच्या उपस्थितीमुळे महाविद्यालयातील विद्यार्थ्यांचा प्रवेश खूप मोठ्या प्रमाणावर कमी झालेला आहे, महाविद्यालयाच्या विद्यार्थ्यांच्या एस.टी. महामंडळाच्या पासेस वर सह्या करणे व इतर अनेक कामे प्रलंबित राहतात आणि आम्ही ह्या पार्सल कडून पैसे घेऊन त्याचे मिंध्ये असल्यामुळे त्याच्यावर काहीही कारवाई करत नाही, उपकुल गुरु अथवा सहाय्यक संचालक उच्च शिक्षण जळगाव यांचे कडून काही चौकशीचे पत्र आल्यास आम्ही त्याचे पार्सलच्या हिताच्या दृष्टीनेच उत्तर लिहितो. त्याला काही बोलतही नाही. ह्या पार्सलच्या महाविद्यालयातील सर्व कर्मचारी विरोधात असताना देखील हे निर्लज्य पार्सल ठाण मांडून बसलेले आहे. एखादा खानदानी माणूस असता तर तो शरमेने कधीच महाविद्यालय सोडून गेला असता. परंतु या पार्सलला कुठल्याही प्रकारची लाज लज्जा नसल्यामुळे हुकूमशाही, एकाधिकारशाही पद्धतीने कॉलेजमध्ये कधीही वेळेवर न येता सर्वांवर हुकूमत गाजवत आहे. ह्या पार्सलची दैनंदिन हजेरीची वेळ सकाळी साडेसात वाजेपासून संध्याकाळी साडेपाच वाजेपर्यंत असताना देखील गेल्या दहा महिन्यांपासून आजपर्यंत हे पार्सल एकही दिवस संपूर्ण वेळ महाविद्यालयात थांबलेलं नाही, मुख्यालय तळोदा असताना देखील या पार्सलने एकही दिवस तळोद्याला मुक्काम केलेला नाही रोज धुळ्याहून ये जा करते. या पार्सलच्या बायोमेट्रिक सिस्टम वरील थंबच्या वेळांचे अवलोकन केले असता या पार्सल चा संपूर्ण पगार कसा काय निघाला आहे याबद्दल सक्षम प्राधिकरणाकडे तक्रार करणे व त्याची चौकशी करून देय नसलेल्या पगाराची वसुली करणे अत्यंत आवश्यक आहे. या पार्सलने ज्यांना लाखो रुपये दिलेले आहेत त्यांच्या ताटाखालचे मांजर बनून त्यांच्या आदेशांचे मुकाट्याने पालन करणे आणि इतर सर्व विश्वस्त, महाविद्यालयीन कर्मचारी,विद्यार्थी यांच्या विरोधात काम करणे हाच या पार्सलचा एकमेव धंदा राहिलेला आहे.