अल्फाबेट स्कूलमध्ये लोकमान्य टिळक व अण्णा भाऊ साठे यांना अभिवादन
मोलगी दि १ (प्रतिनिधी)
अक्कलकुवा तालुक्यातील मोलगी येथील मुळबीज शैक्षणिक संस्था संचलित अल्फाबेट इंग्लिश मिडियम स्कूलमध्ये स्वराज्याचे जनक म्हणून ओळखले जाणारे लोकमान्य टिळक यांची पुण्यतिथी व साहित्य रत्न लोकशाहीर अण्णा भाऊ साठे यांची जयंती साजरा करण्यात आली. कार्यक्रमाच्या अध्यक्षस्थानी शाळेचे प्रिंसिपल गोटूसिंग वळवी तर व्यासपीठावर शाळेचे व्हाईस प्रिंसिपल ईश्वर वसावे व मनीषा वसावे होते.
कार्यक्रमाच्या सुरुवातीला मान्यवरांच्या हस्ते प्रतिमा पूजन करण्यात आले. त्यानंतर शाळेचे वाईस प्रिंसिपल ईश्वर वसावे यांनी कार्यक्रमाची प्रस्तावना केली. प्रस्तावनेत त्यांनी लोकमान्य टिळक व अण्णा भाऊ साठे यांचा जीवन परिचय दिला तसेच शाळेतील शिक्षकांनी आपले मनोगत व्यक्त केले.
या दिवसाच्या निमित्ताने भाषण स्पर्धा घेण्यात आली. या स्पर्धेत शाळेतील मुला-मुलींनी मोठ्या संख्येने सहभाग नोंदवत उत्कृष्टपणे इंग्रजी भाषेतून आपले मनोगत व्यक्त केले. या स्पर्धेचे परीक्षक म्हणून मनीषा वसावे यांनी काम पाहिले. तसेच कार्यक्रमाच्या यशस्वीतेसाठी शाळेचे शिक्षिका लीला पाडवी, प्राची पाडवी, मथुरा वसावे व हिराबाई वळवी यांनी मेहनत घेतली. कार्यक्रमाचे सूत्रसंचालन लिला पाडवी यांनी तर आभार सरिता पाडवी यांना मानले.
